Пребарувај по датум:
2018-12-05

Обука за постапување со лица со оштетен вид наменета за лични асистенти на лица со попреченост

Во рамките на Центарот за поддршка на лица со оштетен вид – Црвен крст на град Скопје, на 28 Ноември 2018 година, во период од 12:00 – 16:00 часот, се одржа обука за правилно постапување со лица со оштетен вид, наменета за лични асистенти за лица со попреченост во рамките на програмата за лични асистенти имплементирана од Црвен крст на град Скопје во соработка со МТСП. Обуката се состоееше од презентација на редовните активности, работата, структурата и успесите на Центарот за поддршка, показни и симулациони вежби за реални ситуации со кои лицата со оштетен вид се соочуваат во секојдневниот живот како и едукативни примери и совети како треба и како нетреба да се постапува со лицата со оштетн вид. На учесниците од страна на тимот на Центарот за поддршка исто така, им беа презентирани советникот за правилно постапување со лицата со оштетен вид испечатен на Брајово писмо и Брајова машина која лицата со оштетен вид ја користат. Обуката беше од интерактивен карактер помеѓу учесниците и тимот на Центарот за поддршка. Во самата обука, активно учество зема еден корисник на Центарот за поддршка, кој преку своето лично искуство, на учесниците им го доближи своето секојдневие како лице со оштетен вид. На крајот на обуката, на учесниците им беше презентирано видеото за правилно постапување со лицата со оштетен вид со 10-те совети како треба и како нетреба да се постапува. Оваа обука е од голема корист за личните асистенти кои во понатамошната работа со лицата со оштетен вид, ќе знаат правилно да му пристапат и помогнат на лицето со оштетен вид. На работилницата активно учество зедоа 19 учесници – тимот на Центарот за поддршка и асистентите кои преку интеракција ги добија потребните информации планирани во рамките на обуката.

Центарот за поддршка на лица со оштетен вид се имплементира во рамките на „Проектот на УСАИД и ЛЦИФ за деца со пречки во видот“.

 {gallery}GALERIJA/30.11.2018{/gallery}

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.