Обучени 40 дисеминатори во ЦКА ПХВ програмата

На 16 и 17 октомври се одржа обука за избраните дисеминатори во рамките на ЦКА ПХВ програмата.

Некои од нив се нови, некои биле дисеминатори и минатата година, различна возраст, различни професии, но избрани од страна на својата Општинска организација да ги менторираат малите проекти.

Дисеминаторите во период од две недели ќе треба да ја спроведат унифицираната дисеминациска сесија во своите Општински организации на 30 нови регрутирани младинци.
Младинците треба да се на возраст од 14-18 години и не треба да се членови на Црвениот крст во нивната Организација.
Вкупната бројка на младите кои ќе ја поминат дисеминацијата и оваа година е 1200.
Истите младинци потоа во период од 05 ноември до 05 декември ќе го добијат вториот дел од обуката – изработување и документирање на малите проекти од страна на ЦКА ПХВ инструкторите.
Дисеминаторите пота ќе ја следат работата на младите, ќе ги мотивираат и ќе ги поттикнуваат да имаат активен пристап кон животот и потребите во својата заедница.