Новогодишни пакетчиња и дружење со Дедо Мраз

Новогодишните празници насекаде носат радост за децата. За жал, децата од Украина се далеку од своите домови и оваа Нова година ќе ја дочекаат во поинакво опкружување.

Црвениот крст на град Скопје, како дел од поддршката која ја дава на лицата од Украина со престој во РСМ, на 28 декември организираше настан- предновогодишно дружење и за сите дечиња Дедо Мраз подели новогодишни пакетчиња и приредена беше заедничка забава.

Новогодишните пакетчиња се донација од СДСМ, а освен на овие дечиња, донацијата преку ЦК на град Скопје ќе биде поделена и за децата од Здружение на слепи и лица со оштетен вид -Скопје, дечињата кои се хоспитализирани на детска хирургија, децата на корисниците на Пунктот за бездомници на Црвен крст и лицата кои го посетуваат Дневниот центар за лица со церебрална парализа Капиштец.

На сите нив им посакуваме среќно и безгрижно детство со надеж дека наредната година ќе биде повесела и исполнета со многу радосни моменти.