Натпревар по Прва помош
На 19 јуни на платото на Мајка Тереза и улица Македонија во Скопје се оддржа Градскиот натпревар по Прва помош. 15-те најдобри екипи од 5-те Општински организации на Црвен крст Кисела Вода, Центар, Гази Баба, Чаир и Карпош земаа учество.
Првото место на натпреварот освоија ученици од ОУ “ Александар Урдаревски”од ООЦК Чаир, второ место освоија ученици од ОУ “ Дане Крапчев” од ООЦК Гази Баба и трето место освоија ученици од ОУ” Кирил и Методиј” од ООЦК Чаир.
Честитки за победниците и сите учесници. Голема благодарност за сите судии, манекени, шминкери, ментори, водичи и демонстратори.
Знаењата и вештините за укажување прва помош треба да бидат дел од сечие секојдневие, бидејќи се применуваат во секој сегмент во животот. Често пати навремено и адекватно пружената прва помош значи спасен живот. Во оваа насока подеднакво се важни едукациите по прва помош за учениците од средните и основни училишта како и за целокупниот наставен кадар во училиштата, кои ќе можат на своите соученици во случај на итност да им дадат прва помош.
