Пребарувај по датум:
2021-05-10

Мојата Ковид приказна

По повод 8 мај, Денот на Црвениот крст и Црвената Полумесечина, преку ПХВ програмата беше организирана онлајн промоција на книгата “Мојата Ковид приказна”. Книгата содржи 18 приказни во кои се опишани личните начини на справување со пандемијата на 18-те пријавени инструктори-волонтери во ПХВ програмата.

Приказните се напишани минатата година кога многу нешта беа далечни, нејасни и збунувачки. Во книгата преовладуваат чуствата, се допираат пречките, но и се наслутуваат предизвиците со кои секој еден од нив се соочил. Самата книга претставува начин и алатка преку која дел од проблемите се надминуваат и канализираат, преку заедничка тимска поддршка, преку разговори, споделување на чувства и меѓусебна поддршка. Секоја приказна може да биде на некој друг, бидејќи стравот, несигурноста, неизвесноста, беа универзани чувства за секој човек.

Црвениот крст продолжува да ги мотивира волонтерите на различни начини, да работи со нив и да ја негува тимската работа.

Промотер на книгата е проф.д-р Илина Јакимовска од Институтот за етнологија и антропологија.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.