Пребарувај по датум:
2012-05-07

”МЛАДИТЕ СЕ НА ПОТЕГ”

Одбележан Светскиот ден на Црвен крст и Црвена полумесечина.

На 8 мај, со почеток во 12:00 часот, на кејот на р. Вардар Црвениот крст на град Скопје заедно со ООЦК

на (кај Градска плажа/ одбојкарско игралиште) го одбележи 8-ми Мај Светскиот ден на Црвен крст и Црвената полумесечина.
Настанот се одбележа под мотото „Младите се на потег“.
Централната манифестација беше реализирана преку хепенинг, хуманитарна трка на која учествуваа околу 300 средношколци од скопски училишта и младите од клубовите на млади на Црвен крст на територија на град Скопје.
Целта на настанот беше поттикнување и истакнување на младите и нивните постигнувања во рамките на опкружувањето.
Во рамките на неделата на Црвениот крст (08-15.05) ќе бидат реализирани и дисеминациски предавања со цел ширење на идејата на Црвениот крст и информирање на младите за организацијата и можностите за вклучување во големото семејство хуманисти- волонтери, издаден е новиот број на инфо гласилото на ЦК Нова димензија, а сите активности промовирани се преку средствата за јавно информирање.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.