Пребарувај по датум:
2023-05-02

Меморандум за соработка со Црвен крст Бреша

Од 28 до 30 април бевме домаќини на делегација од Црвен крст Италија-Црвен крст Бреша. Целта на средбата беше потпишување на Меморандум за соработка помеѓу две организации. Истиот е потпишан за период од 3 години и подразбира промовирање на волонтерската работа, зајакнување на меѓусебните капацитети како и размена на искуства и знаења.

За време на посетата, гостите ги видоа центрите на Црвениот крст и се запознаа со активностите кои се реализираат во нив. Посетен беше тренинг центарот Солферино, а организирана беше и посета на градовите Струга и Охрид со што ја промовиравме нашата култура, како и традицијата на градовите и земјата.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.