Мали иницијативи-големи радости

Вработените и волонтерите од Црвен крст на град Скопје како и граѓани –поединци, изминатиот месец започнаа акција во соработка со Колективниот постапувач Нула Отпад . На одреден датум, сите имаа можност да го донираат својот неупотреблив и непотребен електричен отпад од  нивните домови. Сите беа поттикнати да се вклучат во акцијата заради хуманата димензија на истата, но и заради правилниот начин на отстранување на електричен отпад, со што директно ја штитиме нашата планета.  Нула отпад во соработка со Техномаркет во редовни ситуации донира вредносни ваучери за нова опрема, но овој пат сите се откажаа со цел да се собераат доволно средства за да му се помогне на еден корисник на Црвениот крст. Тој по долги години доби свое катче за живеење од страна на државата кое требаше да се среди и опреми. Многу граѓани и добри соседи му помогнаа, а ние со оваа акција му обезбедивме машина за перење и мал електричен шпорет. Само здружени може да направиме повеќе. Им благодариме на сите кои беа дел од оваа мала иницијатива.