Пребарувај по датум:
2022-11-01

Македонска делегација на Студиска посета на Швајцарскиот Црвен крст

Во период од 25-28.10 делегација од Северна Македонија во состав Катерина Гиевска(Стручен соработник и координатор за интеграција во ЦКГС), Соња Кипровска(Раководител од ЗСД) и Зоран Дранговски(Раководител во МЗМП) реализираа студиска посета на Швајцарскиот Црвен крст односно Националните канцеларии на Црвен крст Швајцарија како и кантоните Берн и Цирих.

Посетата беше со цел унапредување на моделот за интеграција на лицата под меѓународна заштита во РСМ кои ги имплементира ЦКГС. За време на посетата се остварија директни средби со претставници на државниот сектор за миграции и интеграција на Швајцарија на регионално и национално ниво.

Претставниците на нашата земја учествуваа во панел дискусија со високите претставници за миграции на Меѓународната Федерација на Црвен крст и Црвена полумесечина со седиште во Женева. Организацијата на настаните во Швајцарија беше од страна на Софи Херсинг(Sophie Hersing) одговорна за поддршката која ЦК Швајцарија ја насочува во балканскиот регион.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.