Ликовна колонија “Струга 2011”
Традицијата за одржување на ликовни колонии во организација на Црвен крст на град Скопје трае веќе години на ред, а оваа година истата е поддржана од Министерството за култура на Р. Македонија.
Во текот на месец Август (20-27.08), во Центарот за едукација и рекреација – Солферино во Струга, академски ликовни уметници од Р. Македонија, Србија, Бугарија,
Полска творат и се дружат на ликовната колонија под хуманта димензија на движењето на Црвениот крст .
Организаторот (Црвен крст на град Скопје) за секој учесник обезбедува платна, бои, растворители и останати материјали потребни за творечкиот процес.
Уметниците се слободни во изборот на техниките на творење и материјалите потребни за истото. До крајот на ликовната колонија секој учесник остави во трајна сопственост на Црвен крст на град Скопје по две слики со најразлични ликовни техники и стилови кои се нивно лично обележје.
Интересно е да се спомене дека на оваа колонија уметниците доаѓаат со своите брачни другари или пак потесен член на семејството.
На овој начин истата е веќе окарактеризирана како семејна колонија, на која учесниците имаат можност повеќе да се дружат, разменуваат искуства и пренесат дел од своето културно наследство.
