Летен камп за млади

Од 18 до 21 август во Струга, центар Солферино се оддржа младински камп за младите од 5-те Општински организации на Црвен крст во Скопје. Истиот беше организиран во соработка со невладината организација Roma Rock School. На кампот присуствуваа млади од двете организации, а целите беа промоција на волонтерство, стоп на насилството помеѓу младите, култура како систем од вредности, промоција на активен пристап кон живот и промоција на музиката.

За време на кампот сите младинци имаа можност да свират различни инструменти но и заеднички да напишаат песна за хуманоста, другарството и солидарноста. Песната ќе биде снимена и ќе остане како трајна вредност за едно преубаво поминато време исполнето со многу знаења, искуство и пракса.