Летен камп Харалдвиген, Норвешка 2017
(Твининг проект)
Во периодот од 6.08 до 12.08 тројца волонтери и две лица од стручната служба на Црвен крст на град Скопје учествуваат на летен камп за деца со посебни потреби кој се одржа на островот Харалдвиген, Норвешка. Деновите поминати на кампот беа исполнети со многу интересни активности како прошетки со чамци и риболов на отворено море, посета на соседен остров, кајакарење, посета на најголемата ЗОО градина во Норвешка во градот Кристијансанд, маскембал и боење на лица, танцување, тобоган, капење во море, мали олимписки игри… Оваа година, со свечена вечера и прием за гости, кампот одбележа 50 години од изградба на истиот, а во посета на настанот беше и г. Свен Молеклеив- претседател на Норвешки Црвен крст, со кого имавме можност да поразговараме за придобивките од Твининг проектот.
Убаво поминатото време и заедничките активности се одличен начин за размена на искуства за работа со оваа категорија лица. Активноста е дел од Твининг програмата која Црвен крст на град Скопје ја реализира со Црвен крст Телемарк -Норвешка.
