Пребарувај по датум:
2016-11-16

Крводарителска акција во соработка со Амбасадата на САД во Македонија

Крводарителска акција во соработка со Амбасадата на САД во Македонија
На 14 септември, Црвен крст на град Скопје по осми пат ја организираше традиционалната крводарителска акција и собирна акција за прехранбени продукти во соработка со Амбасадата на САД во Р. Македонија.

Акцијата е иницирана со цел  одбележување на трагичниот настан од 2001 година и со цел поттикнување на хуманоста и општествена одговорност како кај вработените во амбасадата така и кај партнерите и соработниците.

Во сколоп на акцијата беа собрани 320 единици крв што претставува рекорден број на единици крв,  собрани на оваа акција. Во реализација на истата беа вклучени волонтерите од ООЦК Чаир како и волонтерите од клуб 25- клуб на млади едукатори и мотиватори во крводарителство. Исто така собрани беа поголеми количини прехранбени продукти, донирани од  институции, компании, поединци. Собраната храна понатаму ќе биде пакувана и дистрибуирана за семејства во ризик.

Амбасадорот на САД во Р.Македонија г. Џемс Бејли,  генералниот секретар на Црвен крст на Р. Македонија г. Саит Саит и директорката на Институтот за трансфузија г-ѓа Емилија Велкова имаа свое обраќање до јавноста, а г. Бејли и г. Саити традиционално даруваа крв.
Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.