Копче – SIEC настан

Социјалното претпријатие Копче се приклучи на проектот и иницијативата “ Биди подготвена за успех” и даде своја поддршка на Центар за интеграција и поддршка на граѓани ЦИП ( SIEC social integration and  empowerment center ), чија цел е заеднички да се подигне свеста кај граѓаните за потребата од развој на одговорни потрошувачки навики и  промовирање на концептот на етичкиот консумеризам.

За време на настанот посветен за зајакнување на жените и подигање на свеста за етичкиот консумеризам, го презентиравме концептот, целите, како и мисијата и визијата на Копче и го споделивме нашето досегашно искуство. Разменувајќи идеи за солидарност на граѓаните во регионот, потенцирајќи ги темите за подигнување на свеста за одговорно донирање и одговорно трошење, настанот го означуваме со прашањето:

–  Дали можеме заеднички да ги смениме стереотипите за облека од втора рака и да продолжиме со поддршката на маргинализираните групи граѓани преку промовирање на етички консумеризам?

Започнуваме со мали, но значајни чекори.