КОМФИ АНГЕЛ СО ПОДДРШКА ВО ПУНКТОТ ЗА БЕЗДОМНИЦИ

Како резултат на одлична партнерска соработка на Црвениот крст со реномираната компанија „Комфи Ангел“ произлезе уште една заедничка активност.

Односно донација на оваа компанија која е наменета за корисниците на Пунктот за бездомници во Момин Поток. Донацијата се состои од 40 перници, 40 јоргани, и 10 вреќи за спиење кои ќе бидат соодветно користени во привременото прифатилиште за бездомници. Прифатилиштето згрижува привремено бездомни лица во услови на екстремно ниски температури и лица во тешка здравствена состојба во текот на целата година. Истото има капацитет да згрижи 20 лица во исто време кои покрај топол кревет и бања добиваат и редовни оброци.
По повод донацијата, на 13ти февруари Пунктот за бездомници го посети директорката на „Комфи Ангел“, г-ѓа Ирена Јакимовска која се запозна со работата на Црвен крст во овој сегмент на работење.