Пребарувај по датум:
2015-04-17

ИЗВЕШТАЈ – НЕДЕЛА НА ХИГИЕНИЗАЦИЈА

По повод одбележувањето на неделата на хигиенизација 08 – 15 Април, на 15.04.2015 година во Центарот за поддршка во образованието и заедницата на бегалците и барателите на азил во Шуто Оризари, Скопје беше одржана едукација за основните поими на хигиенизацијата како и статистички податоци на светско ниво поврзани со темата.

Едукацијата беше реализирана од страна на вработено лице од стручната служба на Црвен крст на град Скопје на која активно учество зедоа 32 ученици и младинци од заедницата на бегалците на возраст од 12 до 22 години. Едукацијата беше интерактивна со поставување на прашања од страна на слушателите и давање свои размислувања поврзани со темата и секојдневниот живот на слушателите. На крајот од едукацијата на сите присутни им беа поделени пакетчиња со производи за одржување на личната хигиена.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.