Пребарувај по датум:
2008-08-06

Изложба на поштенски марки

Изложба на поштенски марки

По повод 45 години од катастрофалниот земјотрес во Скопје Црвениот крст на град Скопје организираше изложба.  Истата се реализираше во рамките на активностите на градот Скопје по повод овој ден во соработка со Црвениот крст на Р. Македонија и Филателистичко друштво “Картофил”.

Изложбата се состои од поштенски марки коишто Црвениот крст на Р. Македонија ги издавал од 1992 година, година од која функционираме како Независно Национално друштво на Движењето на Црвениот крст и Црвената Полумесечина.

 На поштенските марки се презентирани различни мотиви со цел промоција на вредностите на Црвениот крст  и ги следат неделите коишто ги одбележува Црвениот крст секоја година. Изложбата имаше за цел да им се доближи на граѓаните како и постоечките и идните волонтери преку промовирање на нашата работа преку овој несекојдневен и различен настан. Оваа изложба, како дел од останатите три поставки во музејот, беше свечено отворена на 25.07.2008 г. од страна на директорот на оваа институција, во присуство на повеќе гости од земјава и странство кои ги погледнаа сите поставки.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.