Интеркултурна медијација за бездомни лица
Со поддршка на ЈУ Завод за социјални дејности-Скопје, во периодот 25-27.04, реализирана беше тридневна обука на тема ,,Интеркултурна медијација“.
На обуката која се реализираше во Тренинг центарот „Солферино“ во Струга, учествуваа волонтери од Црвен крст како и студенти од катедрата за Социјална работа и социјална политика, Педагогија, Психологија и 1 студент на Медицински науки, кои се запознаа со работата на Црвениот крст со маргинализирани лица – бездомници.
Обуката се реализира со цел :
Стекнување знаења, ставови и вештини за разбирање на потребите на маргинализираните лица кои потекнуваат од различни социјални, културни и религиозни среднини.
Промовирање на општествената инклузија на бездомните лица , корисниците на услуги на пунктот за бездомници
Во наредниот период, обучените млади, преку волонтерска и практична ангажираност во Пунктот ќе го олеснат процесот на обезбедување услуги од социјален, здравствен и административен тип со институциите на системот.
Aктивностa e во рамки на проектот „Засилување на здравјето, пристапот, учеството и социјалната еднаквост во земјите на Западен Балкан“ финансиран од Австриското Федерално Министерство за Труд, Социјални Работи,Здравство, Грижа и Заштита на потрошувачите преку Австриски ЦК.
