„Инклузијата не е илузија“

Како резултатат на соработката на Центарот за поддршка на лица со оштетен вид на Црвен крст на град Скопје со училиштето „Димитар Влахов“ двајца волонтери од Црвениот крст беа присутни на младинска размена во Поронин, Полска. Младинската размена беше иницијатива на полската фондација „ТАК“ и ДУРДМОВ „Димитар Влахов“ и поддржана од Еразмус+, која имаше за цел да направи инклузија меѓу лицата со оштетен вид и лицата со типичен развој, а покрај тоа да се разменат искуства помеѓу младите учесници од Полска и од Македонија.

            Во текот на семинарот имаше различни видови на активности прилагодени за лица со оштетен вид. Дел од активностите беа од спортски и забавен карактер, театар на импровизација и часови по танц.

Размената се одвиваше во Поронин, Полска, од 23 јуни до 1 јули, на истата имаше вкупно 44 учесници од Полска и Македонија.