Хуманитарен базар на книги

Корисниците од дневните центри за стари лица од социјалниот сервис “Дневен центар за стари лица и центар за давање помош во домашни услови” на Црвен крст, организираа хуманитарен базар под мото ,,Купи книга, подари среќа”. Покрај книгите, се продаваа бележници за книги изработени од корисниците на центрите.

Ова беше одлична можност да се покаже дека:

• книгата нема рок на траење;
• треба да се сподели она што повеќе не ни е потребно;
• корисно е да се усреќи лице кое e во социјален ризик;

Лицата во трето доба важат за позитивен пример во заедницата. Тие со својот ентузијазам и желба да бидат активни, се присутни на секој хуманитарен настан, а често пати и самите се иницијатори!