Пребарувај по датум:
2018-03-17

Годишно свечено собрание на Црвен крст на град Скопје

Годишно свечено собрание на Црвен крст на град Скопје

На 14 март, Црвен крст на град Скопје го одржа своето годишно извештајно собрание со цел презентација на резултатите од 2017 година. Делегатите, гостите, партнерите, соработниците, волонтерите и сите останати присутни имаа можност да ја проследат презентацијата со сумирани резултати, но и да проследат филм во кој беа истанати 10 приказни од страна на корисниците на услугите во Црвениот крст. Младите од Клубот на млади ја разубавија свеченоста со изведба на дел од претставата „Театар во визба“. Партнерите кои не поддржуваа добија и благодарници, што е всушност наш начин да им се заблагодариме за нивниот труд, ангажман и промените кои ги прават во заедницата. Наградени беа Државна Лотарија на Македонија, Итна медицинска помош, Музеј на македонска борба за државност и самостојност како и неколку поединци, соработници и помагатели на нашите активности.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.