Gaming Hub / Гејминг центар за млади
Во рамките на партнерство помеѓу Црвен крст на град Скопје и UNHCR-Skopje, Агенцијата на ОН за бегалци, во ДХО „Даре Џамбаз“ отворен беше Гејминг центар за млади – ангажирачка едукативна средина која нуди можност за користење на слободното време на младите бегалци, баратели на азил и млади од локалното население. Тие континуирано го посетуваат центарот и покрај дружењето, игра и забава имаат можност да следат обуки за дигитални вештини од страна на двајца едукатори со што се зголемува дигиталната писменост и пристапот до дигитални уреди кај младите.
Центарот е опремен со 10 гејмерски компјутери со соодветен софтвер, игри и периферни уреди , а она што е посебно важно е и поттикнување на креативноста, тимската работа, но и олеснување на интеграцијата и подобрување на менталното здравје на младите.