Фестивал на граѓански организации
Црвен крст на град Скопје заедно со општинските организации на Црвен крст на територија на град Скопје и оваа година беа дел од Фестивалот на граѓанските организации во организација на Civica Mobilitas кој се одржа во Градски парк.
Во соработка со Институтот за трансфузиона медицина, преку одредување на крвна група на заинтересираните граѓани, волонтерите го промовираа крводарителството како и центарот за прва помош на Црвен крст.
На штандот беа поставени и промотивни материјали преку кои посетителите имаа можност да се запознаат со дел од активностите кои се реализираат во склоп на нашата организација.
Граѓанските организации претставуваат значаен дел на заедницата во која делуваат, а иницијативата е многу важна за градење долгорочни врски и поттикнување на меѓусебна соработка.
