Пребарувај по датум:
2019-02-12

Едукативно предавање за превенција од Диабетес наменето за лицата со оштетен вид

Едукативно предавање за превенција од Диабетес наменето за лицата со оштетен вид

Во рамките на Центарот за поддршка на лица со оштетен вид – Црвен крст на град Скопје, на 07 Февруари 2019 година, во просториите на Сојузот на слепи при град Скопје, се реализираше едукативна работилница на тема – Диабетес, наменета за корисниците на Центарот за поддршка. Работилницата беше од интерактивен карактер преку една дискусија помеѓу корисниците и едукаторот – медицинско лице – претставник од Стручната служба на Црвен крст на град Скопје кој ја водеше работилницата. Сите присутни корисници на работилницата можеа да добијат соодветни одговори и совети за оваа болест како и да се информираат подетално за истата. Темата опфати повеќе содржини како – статистички податоци на светско ниво во однос на луѓе заболени од оваа болест, рано откривање, симптоми, видови на Диабетес, превенција и лекување на болеста. Оваа тема беше предложена и планирана од страна на тимот на Центарот за поддршка, поради причината дека е еден од најголемите фактори и причинители за појава на слепило. На работилницата присуствуваа 18 корисници на Центарот за поддршка, 1 претставник од Стручната служба на Црвен крст на град Скопје и 1 претставник од Центарот за поддршка.

Центарот за поддршка на лица со оштетен вид се имплементира во рамките на „Проектот на УСАИД и ЛЦИФ за деца со пречки во видот“.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.