Пребарувај по датум:
2021-06-25

Едукативна работилница – Психолошка прва помош и психо-социјална поддршка за време на пандемија

Во рамките на твининг програмата со Норвешки Црвен крст-Телемарк, планирани се 4 онлајн едукативни работилници. Втората online едукативна работилница ја организираше Црвениот крст на град Скопје и истата се оддржа на 23.06.2021, на тема: ,,Psychological first aid and psychosocial support during COVID-19-Youth support’’.  Едукативната работилницата ги доближи реализираните активности за психо-социјална поддршка во рамките на Црвениот крст на град Скопје до колегите од Норвешкиот Црвен крст, реализирана беше и групна активност со психологот во ЦКГС наменета за психолошката добросостојба на младите. Целта на работилницата беше подигнување на свесноста за менталното здравје, знаците на траума, како и стратегиите за справување во услови на пандемија. Работилницата ја посетија 23 лица, млади од Општинските Организации на Црвен крст на РСМ и претставници од Норвешки Црвен крст.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.