Донација на звучни апарати за мерење шеќер и притисок за лица со оштетен вид

Минатата година Центарот за поддршка на лица со оштетен вид учествуваше во хуманитарниот базар заедно со Лајонс клубот Св. Пантелејом, кој беше наменет за собирање средства за набавка на звучни апарати за мерење шеќер во крвта и крвен притисок, за лицата со оштетен вид.

Како резултат на оваа хуманитарна акција, на 21.02.2018 година Центарот за поддршка на лица со оштетен вид беше посетен од претставници на Лајонс клубот Св. Пантелејмон и беше доделена донацијата. Апаратите се поделени на десет корисници на Центарот односно лица со оштетен вид со цел подобрување на нивното секојдневие од здравствен карактер. Здравствената превенција е една од основните активности на Црвениот крст и е од голема важност за нашите корисници.

Центарот за поддршка на лица со оштетен вид се имплементира во рамките на „Проектот на УСАИД и ЛЦИФ за деца со пречки во видот“.