Пребарувај по датум:
2020-04-21

Дневен Центар за дарување крв на Црвен крст на град Скопје – „Нова локација за вашата хуманост“

Дневен Центар за дарување крв на Црвен крст на град Скопје - „Нова локација за вашата хуманост“

(Црвен крст на Република Северна Македонија,Црвен крст на град Скопје/ Алкалоид а.д. Скопје /Институт за Трансфузиона медицина)

Доброволното дарување крв претставува одраз на високи етички, хуманирани и морални вредности. Да се дарува крв и да се спаси нечиј живот, воден од алтруистички побуди е благородно дело. Црвен крст на град Скопје, со координативна улога помеѓу 5-те ООЦК, постојано е активен во промовирањето и унапредување на крводарителството на територија на нашиот град.

Чекор понапред во процесот на унапредување на крводарителството на територија на град Скопје претставува и отварањето на Центарот за дарување крв. Дневниот центар се наоѓа во ДХО „Даре Џамбаз“ и примарно е место каде потенцијалните крводарители може да даруваат крв, но во просториите на истиот имаат можност да се дружат, разменат идеи и искуства, а потенцијалните крводарители преку наменски печатените и поставени информативни материјали за крводарителство може да добијат корисни информации за крводарителството. Од отворањето на Дневниот центар за дарување крв во 2013 година, па се до денес, во просториите на истиот реализирани се 14 665 единици крв од самоиницијативни дарувања и од акции организирани од страна на ООЦК.

Последниве неколку години, поддршка за успешно работење на Дневниот центар за дарување крв дава „Алкалод“ а.д.  Скопје

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.