Дебрифинг сесии за лица вклучени во спасувачката мисија во Турција и Сирија

Црвениот крст на град Скопје на иницијатива на Дирекцијата за заштита и спасување и во соработка со Комората на Психолози на 16.02.2023  и 21.02.2023 организираше 5 дебрифинг сесии наменети за пожарникарите и специјализираните тимови на Дирекција за заштита и спасување кои учествуваа во спасувачката акција по катастрофалниот земјотрес кои ги погоди Турција и Сирија. Дебрифингот е психолошка интервенција која се администрира веднаш после преживеана траума. Таа е соодветен и брз одговор на криза и има за цел да ја намали трауматизацијата од преживеаниот настан. Лиценцирани психолози од Комората на Психолози и Црвениот крст спроведоа дебрифинг сесии со вкупно 44 спасители во просториите на ДЗС во Скопје, Тетово, Штип, Велес и во Црвениот крст на Струмица. Благодарност до сите инволвирани институции за покажаната грижа за менталното здравје на спасителите по овој катастрофален настан. Вкупно 65 лица беа ангажирани за реализација на оваа активност, вклучувајќи 13 лиценцирани психолози од Комора на Психолози и Црвениот крст, 2 возачи од Црвениот крст на град Скопје, 6 одговорни лица од Дирекција за Заштита и спасување и 44 спасители. Црвениот крст останува отворен за соработка и е во контакт со релевантните институции за реализација на дополнителни дебрфинг средби и со останатите тимови кои пристигнаа во земјава. Благодарни сме на спасителите за покажаната хуманост и храброст онаму каде е потребна.