2016-12-22

Дајте и втора шанса на вашата облека

На територија на градот Скопје постојат 8 контејнери за облека. Граѓаните во секое време може да ја остават облеката во контејнерите, а истата потребно е да биде чиста и функционална. Донираната облека потоа се превзема од страна на 5-те Општински организации кои функционират во Скопје. Облеката се сортира и се дистрибуира на целните групи со кои работиме. Поголемиот дел од облека оди во пунктот за облека на Црвен крст, кој се наоѓа на Булевар Кочо Рацин бр. 13. Граѓаните кои имаат потреба од облека се обраќаат во Црвен крст, добиваат ваучер за облека и потоа сами ја избираат облеката која им се допаѓа и секако која им е потребна. Големи количини облека преку овој сиситемски начин им се поделени на поплавените семејствата од скопскиот регион.

Принципи

Хуманост

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Единство

Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.

Универзалност

Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.

Доброволност

Тоа е движење за давање на доброволна помош кое не е инспирирано од материјални побуди.

Неутралност

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Непристраност

Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.

Независност

Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.