Да споделиме радост

Црвениот крст на Р. Македонија и оваа година во соработка со ЕВН Македонија, по повод новогодишните празници организира заедничка хуманитарна акција под мотото Да споделиме радост.

Целта на оваа акција е да се подари насмевка и радост за децата со посебни потреби и децата од социјално загрозени семејства. Во оваа акција обезбедени се вкупно 1100 пакетчиња, од кои 300 се поделија на територија на град Скопје.
Преку Црвениот крст на град Скопје, со активноста беа опфатени 300 дечиња од Заводот за рехабилитација Т.Поле, Децата од дневниот центар за лица со церебрална парализа, Специјалното училиште за деца со оштетен вид Д. Влахов, Дневните центри за деца од улица Ш. Оризари и К. Вода , специјалното училиште Златен Сремац и деца со оштетен слух.
За сите нив се организираше настан – новогодишна претстава на 20.12.2012 во МНТ (објект Центар) кој започна во 12:00. За децата организираме и превоз во соработка со ЈСП Скопје.
Новогодишната претстава ја изведуваа актерите од МНТ под водство на Снежана Коневска Руси а новогодишните пакетчиња им ги поделија волонтерите на Црвениот крст. Обраќање имаа и Министерот за трид и социјална политика г. Спиро Ристовски, генералниот секретар на Црвен крст на РМ г. Саит Саити како и претседателот на управниот одбор на ЕВН Македонија г. Хенгст Вернер.
Со оваа хумана иницијатива се надеваме дека внесеме радост кај децата, кои во пресрет на Новата година ќе поминат убави и среќни моменти.