Пребарувај по датум:
2010-02-12

Да го одбележиме Светскиот ден на ракот „И ракот може да се спречи “

3-ти февруари, 2010 година, Скопје, сала Даре Џамбаз


Одржана отворена трибина по повод Светскиот Ден на Ракот

Центарот за здрав живот „САМОСВЕСТ“, со поддршка на Црвениот крст на град Скопје, одржа отворена трибина во Скопје со која го одбележи Светскиот ден на Ракот 2010.
На трибината беше промовиран новоиздадениот едукативен материјал на САМОСВЕСТ „Дознај повеќе за ракот на бубрегот“, изработен од д-р. Лилјана Ацева – Андонова,  кој беше достапен за сите посетители, заедно со останатите информативни материјали за ракот.
Оваа светска кампањата има за цел да ја пренесе пораката до секој човек дека со едноставни превентивни мерки може потенцијално да се спречат приближно 40% од карциномите
Темата на Светскиот ден на ракот 2010 е превенцијата на малигните заболувања, со што започна овогодишната светска кампања на Меѓународната унија против ракот,  која оди под слоганот „И ракот може да се спречи“.
Предавачите на отворената трибина ги запознаа граѓаните на Р. Македонија со едноставните, но ефикасни превентивни мерки против ракот. На трибината одржа предавање и проф. д-р. Владимир Георгиев, хирург – уролог од Универзитетската Клиника за урологија во Скопје.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.