ЦРВЕН КРСТ ОБЕЗБЕДИ ДУШЕЦИ ЗА СПИЕЊЕ

Црвениот Крст на град Скопје, во соработка со Дормео, обезбеди  душеци за спиење за Институтот за белодробни заболувања кај децата- Козле.

Душеците се изработени од најсовремени материјали со кои децата пациенти ќе добијат квалитетен и здрав сон, подобар болнички престој и побрзо закрепнување.
Институтот ја прими донацијата на 4 Јуни 2008, и истата е намената за децата пациенти на Одделот за астма и интензивна нега. Идејата за оваа акција доаѓа од огромната потреба за заменување на старите и дотраени душеци, кои на овој оддел се уште од 1965-тата година.
Новите душеци се ортопедски и анатомски обликувани, имаат памучни преслеки со импрегнирана Актигард заштита која штити од паразити и бактерии и токму затоа се идеални за оваа целна група.