Пребарувај по датум:
2014-10-07

ЦРВЕН КРСТ НА ГРАД СКОПЈЕ СО КЛУБ И ПРОГРАМА ЗА РАБОТА ВО УЧИЛИШТЕТО ЗА ЛИЦА СО ОШТЕТЕН ВИД

Во просториите на училиштето за лица со оштетен вид ДУРДМОВ „Димитар Влахов“  на 03.10.2014 се отвори Клуб на Црвен крст на град Скопје.

Со отварањето на Клубот започна и имплементацијата на проекот „Создаваме заедно“ финансиран од компанијата Тотал Брендс преку што ќе се реализираат следните активности: Донација на две брајови машини, донација на компјутер со програма за работа на лица со оштетен вид, обука на стручен тим и волонтери за работа со лица со оштетен вид, обука на ученциите за одговор во случај на природни катастрофи, безбедност на вода и спасување на планина како и права помош обуки. Во рамките на проекот ќе бидат исчитани и снимени 5 книги во студио од страна на волонтерите на Црвен крст на град Скопје. Со мотото СОЗДАВАМЕ ЗАЕДНО, Црвениот крст на град Скопје поддржан од страна на Министерството за труд и социјална политика на денешниот настан испрати порака за унапредување на социјалната инклузија на лицата со оштетен вид во општественото живеење. На настанот се обратија, Секретарот на Црвен крст на град Скопје г-ѓа.Сузана Т.Пауновска, Директорот на ДУРДМОВ – Димитар Влахов Горанчо Јакимов и претставниците на организацијата на слепи на РМ. 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.