Пребарувај по датум:
2017-07-17

Часови по пливање и рекреација за лица со оштетен вид

Часови по пливање и  рекреација за лица со оштетен вид

Во рамките на Центарот за поддршка на лица со оштетен вид при Црвен крст на град Скопје во летниот период се организираат часови по пливање и рекреација за лица со оштетен вид. Часовите за лицата со оштетен вид се бесплатни и се реализираат во месеците јули и август. За лицата кои што не знаат да пливаат обезбедени се инструктори по пливање и спасители на вода обучени за работа со лица со оштетен вид, кои ги подучуваат и учат правилно пливање. Останатите, кои знаат да пливаат го посетуваат базенот за рекреација. Целта на активноста е лицата со оштетен вид да го научат спортот пливање, да се рекреираат и да го зголемат степенот на социјализација. Сите заинтересирани лица со оштетен вид за оваа активност може да се пријават во Центарот за поддршка на лица со оштетен вид.

Центарот за поддршка се реализира во рамките на „Проектот на УСАИД и ЛЦИФ за деца со пречки во видот“.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.