Асистенција на мигрантите
Мобилните тимови на Црвен крст со поддршка на УНХЦР, во континуитет имплементираат активности со цел намалување на ранливоста на мигрантите.
Секојдневно тимовите пружаат прва помош на лицата кои имаат потреба од итна медицинска грижа, како и дистрибуираат пакети со храна, хигиенски пакети за мажи, хигиенски пакети за жени, пакети за бебиња и пакети за прва помош. За време на викенд екипите на Црвен крст имаа околку 900 интервенции и беа дистрибуирани 2800 пакети храна и преку 10.000 шишиња вода.
Вкупно 30 лица (лекари, парамедици и логистика) се распоредени во 6 тимови на двата гранични премини, Гевгелија и Табановце. Тимовите се активни за време на сите денови а од четврток-27август ќе бидат ангажирани уште две екипи (8 лица) за ангажман во вечерните и ноќните часови.
