Пребарувај по датум:
2018-11-28

Арапската Федерација на слепи од страна на Делегација од Државата Катар

Арапската Федерација на слепи од страна на Делегација од Државата Катар

Презентација на улогата, работата и структурата на Арапската Федерација на слепи од страна на Делегација од Државата Катар

Центарот за поддршка на лица со оштетен вид – Црвен крст на град Скопје, на 20 Ноември 2018 година, по втор пат беше посетен од страна на Делегација од Државата Катар – Д-р Калид Али Ал – Наеми – Ополномоштен Министер во Секретаријатот на Лигата на Арапските Држави, Претседавач на Арапската Федерација на слепи и Претседател на Арапското друштво за човекови права, со цел реализација на состанок преку презентација на работата и функционирањето на Арапската Федерација на слепи во Катар. На состанокот активно учество зедоа 33 учесници – Делегација од Државата Катар, корисници на Центарот за поддршка на лица со оштетен вид, тимот на Центарот за поддршка, претставници од Сојузот на слепи на РМ, претставници од стручната служба на ЦКГС и претставници од УЈИЕ. Презентацијата ја водеше Господинот Д-р Калид Али Ал – Наеми, кој по завршувањето на своето излагање остави простор за интеракција со присутните на состанокот. Од страна на присутните беа поставувани прашања поврзани со работата со лицата со оштетен вид и услугите кои им ги нуди Државата, како во Република Македонија така и во Државата Катар, преку една размена на искуства. Преку оваа посета, Господинот Д-р Калид Али Ал – Наеми се заблагодари на гостопримството на Црвен крст на РМ и Црвен крст на град Скопје, и најави идна соработка и размена на искуствата помеѓу двете Држави на тема – помош и поддршка на лицата со оштетен вид. Самиот настан беше емитуван во живо преку интернет на You Tube каналот.

Центарот за поддршка на лица со оштетен вид се имплементира во рамките на „Проектот на УСАИД и ЛЦИФ за деца со пречки во видот“.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.