Амбасадорот на Е.У. во Македонија го посети пунктот за бездомници во Момин Поток

Хуманоста на вработените во Европската Унија во Република Македонија резултираше со насмевка на 40 бездомници кои го посетуваат пунктот за бездомници во Момин Поток.

Со средствата донирани од вработените се обезбедија 400 солидарни оброци, а исто така обезбедени се и 8 пакети со облека. Амбасадорот на Европска Унија во Р.М. заедно со вработените на 17 Јануари 2014 година го посетија пунктот за бездомници во Момин Поток и ги поделија ваучерите за солидарните оброци како и пакетите со облека. Покрај донаторската акција, посетата на Амбасадорот на Е.У. во Р.М. и вработените, беше искористена за да се прикажат активносите кои Црвениот крст на град Скопје ги спроведува во пунктот за бездомници во Момин Поток.