Пребарувај по датум:
2017-11-25

Активности на клубот на млади

Активности на клубот на млади

Во рамките на проектот за поддршка и социјализација на лица со посебни потреби поддржан од Комерцијална банка, волонтерите од Клуб на млади при Црвен крст на град Скопје организираа посета на детскиот фестивал Златно славејче за децата сместени во згрижувачки семејства. Во рамки на истиот проект, корисниците од центарот за лица со церебрална парализа Капиштец заедно со волонтерите од клуб на млади при Црвен крст на град Скопје и ликовни уметници започнаа со реализација на сликарските работилници. Со големо внимание уживаа и даваа секој свој придoнес во изработка на сликите на тема апстракција и со нетрпение чекаа да видат како изгледа во целост секое уметничко дело. До крајот на месец Ноември, ќе се реализираат уште две вакви активности.
Под мотото „Едно сонце за сите деца“ здружението на граѓани за третман на лица со аутизам „Во мојот свет“ во соработка со амбасадата на Бугарија во Р. Македонија и Националната галерија на Македонија, организираа инклузивни креативни ликовни работилници. На покана од здружението, волонтерите од клуб на млади беа дел од истите. Се користеа разни сликарски материјали и техники во придружба со музикотерапија. Преубавото дружење беше доволна причина за понатамошна заедничка соработка со здружението и активности со децата кои се дел од истото.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.