Пребарувај по датум:
2017-09-15

9 септември, Светски Ден на Првата Помош

9 септември, Светски Ден на Првата Помош

Секоја година милиони лица се соочуваат со повреди или ги губат нивните животи во несреќи кои настануваат во домот.

Oваа година мотото под кое ќе се одбележи Светскиот ден за Прва помош е Несреќи во домот кое упатува на превентибилни или несакани повреди кои се појавуваат во домашни услови. Несреќите во домот можат да ја зафатат секоја популација, без разлика на нивниот пол, години, приходот или географската положба.

Домовите често се перцепираат како сигурни места, но за жал тие се местата каде што 80% од несреќите се појавуваат. Во Светски рамки, најчестите повреди кои се јавуваат во домовите се резултат од електрични шокови, изгореници, труење, задушување, давење, загуба на сознание, срцев удар и пад. 
Да се биде свесен за ризиците и опасностите во домашни услови е првиот чекор кон развивање на култура за безбедност и превенција во домот.

Црвен крст на град Скопје, Светскиот ден на Првата Помош го одбележи денес, 6 септември со предавања за Првата Помош за лицата во трето доба во трите дневни центри кои функционират во Скопје. Во рамките на одбележување на неделата, претходниот ден беа посетени домови на десетина корисници-лица во трето доба и обуката беше спроведена токму во домашни услови.

Во обуките беа вклучени 15 парамедици, 20 волонтери а над 100-на лица ја проследија обуката.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.