Пребарувај по датум:
2011-09-17

7 – Недела на принципите на Црвен крст

Во текот на летниот период 7 Волонтери од Клубот на млади при Црвен крст на град Скопје го реализираа проектот 7 – недела на принципите на Црвен крст.

Со активностите беа опфатени 7 целни групи ( 2 социјално загрозени семејства, штитениците од дневниот центар Порака , домот за стари лица Мајка Тереза, дечињата од градинката Фидани, С.О.С Детско село , дневен центар за деца од улица Шуто Оризари). 

Во текот на периодот на реализација на проектот младите има можност да поминат време со целните групи, да се дружат и забавуваат заедно со нив, да ги научат на убави и корисни работи и за моментда го разубават нивното секојдневие.
Цело време ја промовираа организацијата и принципите на Црвениот крст и на тој начин ја пренесоа хуманата мисија на движењето кај сите целни групи.
Како завршна реализација на проектот младите направија филм од сите активности и го презентираа пред гостите поканети на настанот.
Целиот проект финансиски го помогна А.Д . Скопски пазар

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.