65 години на црвен крст на град Скопје
На 26 мај 2010 година (среда) под покровителство на градоначалникот на градот Скопје, Црвен крст на град Скопје ја одбележа 65-годишнината од своето формирање.
По тој повод беше организирана Свечена академија пропратена со пригодна програма во Кршумли Ан со почеток од 20 :00 часот, каде гостите имаа можност да проследат видео спот за промовирање на организацијата како и театарска изведба Сенки. На истата беа присатни и гости од Црвена полумесечина од Измир со кои Црвен крст на град Скопје потпиша меморандум за соработка, од Тирана, од Американска амбасада, гости од Општинските организации, бројни донатори, гости и пријатели и поддржувачи на хуманитарната работа на Црвениот крст на град Скопје.
Според организираната програма, во текот на денот, со почеток во 18:00 часот се организираше Показна вежба на Единицата за одговор при катастрофи на Црвен крст на РМ- Скопје 2010.
Вежбата се реализираше кај Камениот мост на р. Вардар, со сценарио земјотрес, спасување и евакуација на повредени и нивно згрижување, а во неа учествува Единицата за одговор при катастрофи на Црвен крст на РМ и скопските тимови за одговор при катастрофи. Истата е поддржана од Министерството за Одбрана со вклучување на армискиот хелихоптер од кој следуваше спуштање на двајца планинари. На самиот мост беа поставени неколку повредени, меѓу кои и еден во потешка ситуација. Потоа следуваше згрижување на повредените. Во исто време спасителите на вода ги префрлуваа повредените од едната до другата страна од реката.
На 28 мај (четврток) по повод нашиот јубилеј, се организираше и крводарителската акција во компанијата Оне на која имаше 39 крводарувања за нивните вработени кои на овој чин ја покажаа општествената одговорност на својата компанија и своите вработени.
Црвен крст на град Скопје
