Пребарувај по датум:
2011-10-07

350 крводарувања во чест на Тоше Проески

Црвениот крст на град Скопје продол жува да ги поттикнува, поддржува и помага хуманите иницијативи.

По повод последниот концерт во живо на еден и единствениот Тоше Проески во Скопје, во соработка со Тоше Фан Клуб форумот организиравме крводарителска акција на 05.10.2011 во Дом на АРМ.
На акцијата 350 крводарители даруваа крв. Од нив 129 беа студенти, а 19 ученици од средно училиште. За прв пат 52-ца даруваа крв. Младите луѓе беа и се уште се поттикнати од хуманото дело на Тоше Проески и продолжуваат да чекорат по неговиот хуман пат.
Акцијата се организира по втор пат и веќе може да се нарече традиционална.
Минатата година на истата акција се собраа 224 единици крв и 80 % од дарителите беа млади лица, лица кои го поддржуваат и негуваат неговото хумано дело.
Црвен крст на град Скопје со Фан Клубот организираше и крводарителска акција по повод роденденот на Тоше Проески, 25 јануари.
На акцијата беа собрани 125 единици крв. Соработката со Тоше Фан Клуб Форумот се продлабочува и се зајакнува.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.