Пребарувај по датум:
2013-11-14

13 Ноемвриска награда

“Традиционалната годишна награда „13 Ноември на Град Скопје“, за особени достигнувања и остварувања во сите сегменти на животот, е знак на признание на Градот Скопје кон сите оние што со својот труд и дотигнувања придонеле за развојот на овој град, но и за  севкупниот напредок и афирмација на Република Македонија, во и надвор од нејзините граници” – беше пораката која ја упати градоначалникот на градот Скопје г. Коце Трајановски на свечениот настан за доделување на наградата 13-ти Ноември.

Оваа година, во областа хуманитарна активност, на огромно задоволство на сите вработени и волонтери во Црвениот крст на град Скопје, наградена беше г-ѓа Сузана Т.Пауновска, Секретар на Црвен крст на град Скопје. 

 Наградата ја врачи градоначалникот на градот Скопје г. Трајановски кој се обрати и ги поздрави сите присутни и го потенцираше особениот придонес на секој од наградените во ралични полиња за градот Скопје и воопшто за заедницата во која живееме.

Манифестацијата продолжи со гала концерт на Македонската филхармонија, подготвен во чест на големиот празник на градот Скопје и сите наградени.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.