Пребарувај по датум:
2008-05-01

116 мали проекти во рамките на ЦКА ПХВ проектот

Од 18 до 20 април се одржа подготвителна работилница за инструкторите во проектот Црвен крст во акција-Промоција на хумани вредности.

Целта на работилницата беше сумирање на пристигнатите проекти за циклусот 2007-2008 година. Бројката изнесува неверојатни 116 мали проекти за добробит на заедницата. Младинци од Црвен крст од сите градови Крушево, Берово, Тетово, Велес, Неготино, Скопје…(вкупно 34 Општински организации на Црвен крст) изработуваа најразлични проекти за кои пари, спонзори или донации обезбедуваа сами по здобиената обука во рамките на нашиот проект. Општинските организации им дадоа поддршка и материјали кои им се потребни за работа. Изработување на накит, организирање на хуманитарни натпревари, собирање на облека и храна, реновирање на домови, собирање на пари за пресадување на органи…и многу други хумани нешта се само дел од проектите. Младите луѓе, учесници во овој проект, покажаа дека нивната свест како единки за помош на оние на кои помошта им е најпотребна е на доста високо ниво. Но, Црвениот крст и понатаму продолжува да ги негува и поттикнува ваквите вредности кај младата популација.

 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.