Пребарувај по датум:

Центар за прва помош – Црвен крст на град Скопје

„Првата помош спасува живот“

Првата помош треба да биде дел од секојдневието на секој човек, бидејќи потребата од нејзина примена може да се појави во секој сегмент од животот – дома, на работното место, на училиште, на улица и насекаде каде што е потребно навремено и соодветно реагирање.

Имајќи ја предвид важноста на првата помош, донесени се и законски регулативи со кои се утврдува обврската за посетување обуки и стекнување знаења и вештини за укажување прва помош, пред сè за кандидатите за возачи, како и за вработените во работните организации.

Со цел подобра подготвеност на кандидатите за возачи, достапни се прашањата од областа на првата помош за подготовка и повторување на материјалот:

Прашања за возачи на македонски јазик:

Преземи ги прашањата на македонски јазик (PDF)

Прашања за возачи на албански јазик:

Преземи ги прашањата на албански јазик (PDF)

За Центарот за прва помош

Центарот за прва помош при Црвен крст на град Скопје започна со работа на 28.12.2020 година како посебна организациска единица, додека првата помош претставува една од традиционалните и континуирани активности на Црвениот крст.

Центарот претставува централизирана форма за спроведување обуки и едукации од областа на првата помош на територијата на град Скопје. Претходно, овие активности се реализираа во рамките на општинските организации на Црвениот крст – Центар, Кисела Вода, Карпош, Чаир и Гази Баба.

Тимот на Центарот е составен од 7 лица (координатор, доктор и администратори), кои се задолжени за целокупната организација, координација и спроведување на обуките и едукациите од областа на првата помош, согласно законските регулативи.

За реализација на обуките на располагање се 60 доктори-предавачи, задолжени за стручно предавање и едукација на учесниците, како и 20 демонстратори-парамедици, кои го реализираат практичниот дел од обуките и демонстрираат правилно укажување прва помош.

Обука по прва помош може да посетува секое лице кое има наполнето 15 години.

Видови обуки и цени

Во рамките на Центарот се реализираат следниве обуки:

1. Прва помош за кандидати за возачи

  • Времетраење: 8 часа
  • Цена: 1.950 денари

2. Прва помош за правни лица – работни организации

  • Основен курс – 6 часа: 1.500 денари
  • Напреден курс 1 – 8 часа: 1.900 денари
  • Напреден курс 2 – 13 часа: 3.000 денари

3. Прва помош за лица кои управуваат со пловни објекти

  • Времетраење: 8 часа
  • Цена: 2.000 денари

4. Прва помош за физички лица

  • Времетраење: 6 часа
  • Цена: 1.500 денари

Пријавување и начин на плаќање

Заинтересираните кандидати можат да се пријават за обука по прва помош на следниве начини:

  • Лично пријавување во просториите на Центарот за прва помош при Црвен крст на град Скопје, на ул. „11 Октомври“ бр. 40, Скопје https://maps.app.goo.gl/1o3e7TsTLtS65J3P7
  • Онлајн пријавување преку електронскиот формулар на следниот линк:

Онлајн пријава за обука по прва помош

Плаќањето за обуките може да се изврши на еден од следниве начини:

  • На лице место, со платежна картичка.
  • Со уплатница во пошта или банка.

Просторни и организациски капацитети

Центарот располага со 5 предавални, со вкупен капацитет за истовремена реализација на обуки за 60 лица, односно можност за опслужување до 120 лица на дневно ниво.

Преку современ пристап во едукацијата, стручен предавачки кадар и практична демонстрација, Центарот овозможува учесниците да стекнат знаења и вештини за правилно, навремено и ефикасно укажување прва помош.

Работно време и термини за обуки

Центарот за прва помош при Црвен крст на град Скопје работи од понеделник до петок, од 08:00 до 20:00 часот.

Во зависност од видот и времетраењето на обуката, истите се организираат во еден или два дена.

Обуките кои се реализираат во еден ден се одржуваат во следниве термини:

  • Прва смена термин: 09:00 – 15:00 часот
  • Втора смена термин: 13:00 – 19:00 часот

Обуките кои се реализираат во два дена се одржуваат во следниве термини:

  • Прва смена термин: 09:00 – 12:00 часот
  • Втора смена термин: 16:30 – 19:30 часот

За точниот термин и распоред на конкретната обука, кандидатите добиваат информации при пријавувањето.

Адреса: ул. „11 Октомври“ бр. 40, Скопје, https://maps.app.goo.gl/1o3e7TsTLtS65J3P7

Телефони:

  • 072/208-456
  • 072/208-529

Координатор на одделот, Никола Блажевски – skopje.prvapomos@redcross.org.mk

 

 

 

 

 

 

 

 

 

 

 

 

Итно копче
Посебен транспорт за стари лица и лица со попреченост
Црвениот крст на град Скопје од 15 мај ќе започне со нудење на посебен транспорт за стари лица и лица со попречености со посебно опремени наменски возила.
Едукативен тренинг центар за обуки за возрасни
Центарот за обуки при Црвениот крст на град Скопје започна со работа во 2017 година. Секоја година се обучуваат околу 60 негуватели и лични асистенти, кои се стекнуваат со сертификат и со знаења, компетенции и вештини за работа во домашни услови.
Центар за прва помош – Црвен крст на град Скопје
Првата помош треба да претставува секојдневие за секој еден човек, бидејќи се применува во секој сегмент во животот- дома, на работа, на училиште итн.
Дневен Центар за лица со интелектуална попреченост над 18 години “Пролет”
Црвен крст на град Скопје во соработка со Општина Центар- Скопје, го отвори првиот Дневен Центар за лица со интелектуална попреченост над 18 години на територија на Општина Центар.
Центар Солферино
Објектот се наоѓа во Струга, на самиот брег на Охридското езеро. Центарот во Струга со комплетно новиот систем на управување и организација, претставува нов концепт во работењето на нашата организација.
Копче
„Копче“ е социјално претпријатие кое функционира од 2018 година и е место каде секој може да донира, да купи облека од втора рака или пак истата да ја добие бесплатно.
Пункт за бездомници – Момин поток
Пунктот за бездомници во Момин Поток 11 години во континуитет е единственото место каде бездомните лица добиваат услуги од доктор,социјален работник и психолог како и хигиенски и берберски услуги.
Центар за дарување крв
Во наменски адаптирана просторија во склоп на ДХО Даре Џамбаз, крводарителите имаат можност својата хуманост преку чинот на крводарување да ја покажат секој работен ден (прием на дарители) Понеделник - Петок 08:00-14:30 часот.
Планинска станица – Даре Бомбол
Тимот за спасување на планина е засебен посебно обучен и специјализиран сектор за планинско спасување и пребарување во пред се тешко пристапен терен со применување на различни техники. Константното надоградување и доедукација на тимот со сите последни начини и техники на спасување и пребарување е клучно за подготвеност за одговор во случај на итна потреба.
Дневен центар за стари лица (Даре Џамбаз, Чаир, Сарај)
Во рамките на Црвен крст на град Скопје од септември 2011 година се имплементира проект посветен на грижата на стари лица т.е. проектот: „Дневен центар за стари лица и центар за давање помош во домашни услови“.
Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.