Твининг програма со Норвешки Црвен крст -Конференција за миграции-

Од 01 до 04 март на гости ни беа нашите пријатели од Телемарк-Норвешки Црвен крст. Согласно заедничкиот план за акција за 2019 година за твининг програма, ова е прва средба во текот на ова година. Истата се искористи за планирање на двата кампа кои оваа година ќе се оддржат во нашата земја. Едниот планиран за во јуни, за подготвеност и дејствување при катастрофи и вториот во септември на кој треба да се презентираат добрите практики за твининг програми кај нас но и во Норвешка.
Во сабота на 02 март беше организирана конференција за миграции на која и гостите но и нашите соработници во земјата имаа можност да ги презентираат своите искустава на ова тема. На конференција учество земаа претставници од УНХЦР, МТСП, ИОМ, ЦРС, МВР-гранична полиција, прифатниот центар за бартатели на азил-Визбегово, Млади правници и други соработници со кои соработувавме во изминатите години. На конференцијата беа презентирани искуствата и ситуации кои беа предизвици за секоја оргнизација, поединечно но и за целиот систем.