Гешталт терапија за лица во трето доба

Во рамките на проектот „Дневен центар за стари лица и центар за давање помош во домашни услови” при Црвен крст на град Скопје од јануари месец со Гешталт Здружение Контакт се имплементираа три месечни сесии по гешталт терапија. Секој понеделник и среда во двата дневни центри за стари лица во ДХО „Даре Џамбаз” и ООЦК Чаир се реализираа гешталт терапии.

Основната цел на гешталт терапијата е да и помогне на личноста да постигне интегрираност и целовитост. Интегрираноста подразбира личност која е целина и која е составена од чувства, перцепции, мислење и физичко тело. Гешталт терапијата нуди психичко растење и развиваање, ширење и откривање на себе си. Сесиите беа наменети за лицата во трето доба односно за тоа колку е важно активното стареење за нив.