Започнува нов ПХВ циклус 2017 година

Обука за ПХВ инструктори

Со започнување на новата година започнува и новиот ПХВ циклус, во кој и ова година ќе бидат реализирани 150 обуки и ќе бидат обучени 1200 младинци на територија на целата држава. Во сабота, на 21 јануари во Скопје се оддржа еднодневна подготвителна работилница за националниот ПХВ тимот кој ќе реализира дел од обуки на терен. ПХВ тимот од ова година е во проширен состав во кој влегуваат и новите членови кои се примени ова година а се од Охрид, Кочани, Гостивар, Битола и Прилеп. Вкупната бројка на овој тим-ПХВ колегиум е 32 лица. Тимот е подготвен, со унифицирани знаења, со подготвени материјали, со закажани термини на спроведување на обуките за изработка на малите проекти и мотивиран за да дејствува на терен. Тие исто така во своите средини ќе даваат поддршка на ООЦК и на самиот дисеминатор за полесна реализација на малите проекти и на ПХВ неделата.