Пребарувај по датум:
2016-03-07

8-ми Март

Црвен крст на град Скопје, традиционално, се придружува кон хуманата иницијатива на организацијата Животна искра во пресрет на денот на жената 8-ми Март.

Веќе години на ред,  волонтерите од клубот на млади на Црвен крст на град Скопје, во придружба со членките од Животна Искра, на овој ден  ја посетуваат клиниката за Онкологија и за сите пациенти подаруваат пригодни подароци.  Годинава, подароците беа обезбедени од хуманитарниот концерт Љубовни ноти, кој го организираше клубот на млади при Црвен крст на град Скопје во соработка со ДМУБЦ И.Н.Луј.

На 8-ми Март, реализирана беше посетата, волонтерите ги однесоа подароците на пациентките, а членките на здружението дадоа  подршка и совети за полесно надминување на состојбата во која се наоѓаат.  Оваа година кон нашата хумана иницијатива се приклучи и Рамстор Мол од каде беа обезбедени  120 подароци- цвеќиња за пациентките.

Со овој гест, сакаме да покажеме поддршка кон лицата кои се борат со ова заболување, се приклучуваме кон глобалната кампања за борба против канцер, но и ја подигнуваме свеста кај сите нас за ова опасно заболување.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.