Трета ЦКА-ПХВ финална работилница
Заврши и третата, а воедно и последната за овој циклус, финална ПХВ работилница.
Истата се случи викендот од 7 до 9 јуни, во центарот Солферино во Струга, во присуство на 48 младинци од целата земја, 4 нивни одговорни дисеминатори и 10 гости.
И овој пат во прекрасна атмосвера младинците од различно етничко, верско, социјално и географско потекло, работеа заедно и учеа за културата како систем од вредности, за комуникацијата, за тимот и тимската работа.
Користејки ја својата креативност тие изработуваа филм во кој ја доловија атмосверата на работилницата, флаер со нивнте впечатоци, драма за културата како систем од вредности со наслов Погодете кој доаѓа на вечера, невербална драма во која го опишаа своето учество и активности во текот на целиот циклус, подотвуваа кратки рекламни скечеви со кои ги промовираа вредностите и активностите на Црвениот крст, танцуваа, рецитираа и пееја на различни јазици, и сето тоа под мотото Препознавање на различностите.
Со ова тие направија подготовка за она што сите заедно ќе го подготвуваме за Неделата на Промоција на хумани вредности од 21 до 27 септември, кога во сите ООЦК младинците кои зедоа учество во овој циклус, поддржани од своите дисеминатори, заедно ќе изработуваат по едно такво големо ПХВ шоу под мотото препознавање на различностите.
Оваа година имплементирањето на ПХВ програмата е овозможено со грант на Цивика Мобилитас имплементирана од страна на ЦИРа, а финансиски поддржана од страна на Швајцарската агенција за развој.
